သတ္တမ အကြိမ်မြောက် Feedback Report ပြုလုပ်၍ တက္ကသိုလ် အဓိပတိ ဆရာတော်ဘုရားကြီးထံ ဆပ်ကပ် ထားရှိ
ပညာဘူမိတက္ကသိုလ်စာမေးပွဲများ ဖြေဆိုခဲ့ကြသူများ၏ တိုးတက်လာသည့်တရား အသိများ၊ ဆရာတော်ဘုရားကြီးထံ လျှောက်ထားချက်များ၊ တက္ကသိုလ် လုပ်ငန်းစဉ်များ ယခုထက် ပိုမိုတိုးတက်လာစေရန် အကြံပြုချက်များကို စုစည်း၍ သတ္တမ အကြိမ်မြောက် Feedback Report ပြုလုပ်၍ တက္ကသိုလ် အဓိပတိ ဆရာတော်ဘုရားကြီးထံ ဆပ်ကပ် ထားရှိပါသည်။
ပညာဘူမိတက္ကသိုလ် သုတဓမ္မစာမေးပွဲ ၂၀၂၆ ပထမ (၆) လပတ် E-Book အား Download ပြုလုပ်လိုပါ က
https://www.universitywisdomland.edu.mm/…/UWL…
ဤ Feedback Report စာအုပ်တွင် စာမျက် နှာ ၅၃၃ မျက်နှာပါဝင်ပြီး တက္ကသိုလ် feedback form ဖြည့်၍ ပေးပို့သည့် လျှောက်ထားချက်များ၊ ဆရာတော်ဘုရား ထံ စာဖြင့်ရေးသား ဆပ်ကပ်သည့် လျှောက်ထားချက်များကို လည်းကောင်း၊ ဆရာတော်ကြီး ကိုယ်တိုင် ပို့ပေးသည့် စာများကိုလည်းကောင်း၊ လျှောက်ထားချက် စုစုပေါင်း (၉၆၆) ခုအားစုစည်း၍ Feedback စာအုပ်တွင် ထည့်သွင်းထားရှိပါသည်။
ဆရာတော်ကြီး အနေဖြင့် သုတဓမ္မစာမေးပွဲများကြောင့် ရဟန်းရှင်လူ ပုဂ္ဂိုလ် အသီးသီး တရားဓမ္မအသိများ တိုးတက်လာကြသည့်အတွက် ဆရာတော်ဘုရား ဝမ်းမြောက်တော်မူသည်မှာ ထင်ရှားလှပါသည်။
အမြတ်ဆုံးသော ဗုဒ္ဓဘာသာနှင့် အကြောင်းအမျိုးမျိုးကြောင့် ဝေးကွာနေကြသည့် မျက်မှောက်ခေတ် မြန်မာလူမျိုးများ၊ မိရိုးဖလာဗုဒ္ဓဘာသာအနေဖြင့် ရှိနေကြသည့် မြန်မာလူမျိုးများကို ဗုဒ္ဓဘာသာဝင်စစ်စစ် ဖြစ်လေပြီဟု မိမိတို့ကိုယ်တိုင် စစ်ဆေး၍ ကျေနပ်စွာ လက်ခံလာကြသည့် တကယ့်ဗုဒ္ဓဘာသာဝင် အစစ်အမှန်များ ဝိပဿနာ တရား အားထုတ်ရာတွင် ပိုမို ထိရောက်စွာ အားထုတ် နိုင်လာကြသည်များ၊ ပေါ်ထွက်လာကြ သည်ကို လည်း ထင်ရှားစွာတွေ့မြင်လာကြရပါသည်မှာ အမှန်ပင်ဖြစ်ပါသည်။
Australia, Singapore, Japan တို့လို အဝေးနေရပ်များမှ စာမေးပွဲဖြေဆိုရန်အတွက် ရည်ရွယ်ပြီး ရက်တိုခရီး ပြန်လာကြသူများ၊ ပြည်တွင်းမှာ စာဖြေဌာန(၅၃)ဌာနဖြင့် ကျင်းပ နေသည့်တိုင် စာဖြေဌာနနှင့် မိုင်ပေါင်း(၃၀-၄၀)အကွာအဝေးမှ ခဲရာခဲစစ် လာရောက် ဖြေဆိုကြသည့် မြန်မာလူမျိုးများစွာကို တွေ့မြင်ရကြောင်းကိုလည်း ဖော်ပြအပ်ပါသည်။
မေတ္တသုတ်၊ ရတနသုတ် အစရှိသည်ကို အဓိပ္ပါယ်နှင့်တကွ ပိုမို နားလည်လာကြပြီး ယခင် ရွတ်ဖတ် တရားသက်သက် ဖြစ်နေခဲ့ကြသည့် သောက်ဆေးကို လိမ်းဆေး လုပ်နေမိသကဲ့သို့ ဖြစ်နေကြသည်များကို အချိန်မှီ သိရှိပြင်ဆင်နိုင်ကြခြင်း၊ နေ့စဉ် လူနေမှုဘဝတွင် အဆင် မပြေမှုများကို မှန်ကန်စွာနှလုံးသွင်း၍ နေထိုင်လာတတ်ခြင်း၊ ဆရာတော်ဘုရားအား လေးစား မြတ်နိုးသည့် စာဖြေသူများ၏ ရရှိလာသည့် ဓမ္မအသိဉာဏ်များ စုစည်းပြီး ဤစာအုပ်ကို ဆပ်ကပ်ခဲ့ခြင်းလည်းဖြစ်ပါသည်။
အနုဂ္ဂဟအဖွဲ့
ပညာဘူမိတက်ကသိုလျ
၈/၈/၂၀၂၆
