ပညာဘူမိတက္ကသိုလ် မှ အပ်နှင်းသည့် အမြင့်ဆုံးဘွဲ့ ဖြစ်သည့် ပါဠိစာပေပညာရှင် ပါဠိသတ္ထဝိဘာဝီ Doctor of Literature (D.Litt) ဘွဲ့ အား တက္ကသိိုလ် အဓိပတိဆရာတော်ဘုရား ကိုယ်တော်တိုင် ဆရာတော် သံဃာတော် အရှင်သူမြတ် (၅) ပါး အား အပ်နှင်းသည့် အခမ်းအနား မှတ်တမ်းဓာတ်ပုံများ
ပညာဘူမိတက္ကသိုလ် မှ အပ်နှင်းသည့် အမြင့်ဆုံးဘွဲ့ ဖြစ်သည့် ပါဠိစာပေပညာရှင် ပါဠိသတ္ထဝိဘာဝီ Doctor of Literature (D.Litt) ဘွဲ့ အား တက္ကသိိုလ် အဓိပတိဆရာတော်ဘုရား ကိုယ်တော်တိုင် ဆရာတော် သံဃာတော် အရှင်သူမြတ် (၅) ပါး အား အပ်နှင်းသည့် အခမ်းအနား မှတ်တမ်းဓာတ်ပုံများ နှင့် တိုက်ရိုက်
ရိုက်ကူး ထုတ်လွှင့်ခဲ့သည့် တက္ကသိုလ် YouTube Live https://www.youtube.com/live/8NsYeB-aSJ0?si=KT9myM6k8pbBVgZ9 က်ုဖေါ်ပြအပ်ပါသည်။
D.Litt ဘွဲ့ အပ်နှင်းဆပ်ကပ်ခြင်းခံရသည့်ဆရာတော် များ ပြင်ဆင် သုတ်သင်တည်းဖြတ် ခဲ့ ပြီး တက္ကသိုလ် သို့ တင်သွင်းခဲ့သည့် ကျမ်းစာ များမှာ နှစ်ပေါင်း ၁၀၀ ကျော်
ကနေ နှစ်ပေါင်း ၄၄၈ နှစ် အကြာ ရှိ ကျမ်းစာများပင်ပါဝင်သည်။
ပေ ပုရပိုက်များ၌သာ ရှိသော ပါဠိကျမ်းစာများနှင့် နှစ်ပေါင်းများစွာ တည်းဖြတ်ခြင်းမရှိ၍ အရေးအသားချွတ်ချော် တိမ်းပါးလျက်ရှိသော ပါဠိကျမ်းအိပ်များကို ပြင်ဆင်တည်းဖြတ်၍ ပညာဘူမိ တက္ကသိုလ် Academic Board အဖွဲ့သို့ တင်သွင်းသူအား စိစစ်ရွေးချယ်၍ ပါဠိသတ္ထဝိဘာဝီ ( ပါဠိစာပေပညာရှင် ) Doctor of literature (D.Litt) ဘွဲ့ အပ်နှင်းမည့် (မူဝါဒ) နှင့် အညီ အပ်နှင်းခဲ့ခြင်းဖြစ်သည်။
တက္ကသိုလ် မှ D.Litt ဘွဲ့ အပ်နှင်းခဲ့သည့် ဆရာတော် ကြီးများမှာ
(၁) ဘဒ္ဒန္တဝိဇ္ဇာနန္ဒာဘိဝံသ ကျမ်းအမည်- သဒ္ဒသင်္ဂဟပါဠိမဟာဗျာကရဏ (ပေမူ) (နှာ- ၈၆၅)
မဟာဂန္ဓာရုံကျောင်းတိုက်၊ စစ်ကိုင်းတောင်ရိုး၊ စစ်ကိုင်းမြို့။
(၂) ဘဒ္ဒန္တသာသနဝရ ကျမ်းအမည်- ဂန္ထာဘရဏာဒိပကရဏစတုက္က (နှာ-၂၅၇) စိန်ရတနာ ဓမ္မာစရိယစာသင်တိုက်၊ ရန်ကုန်မြို့။
(၃) ဘဒ္ဒန္တ အာဒိစ္စဝံသာလင်္ကာရ
ကျမ်းအမည်- အင်္ကုရဋီကာ (နှာ-၄၄၂) ဓမ္မာဓိပတိဓမ္မရိပ်သာ၊ လှည်းကူးမြို့။
(၄) ဘဒ္ဒန္တသိရိန္ဒ ကျမ်းအမည်- ပရမတ္ထဝိသောဓနီဋီကာ (နှာ-၂၈၁) ဓမ္မပါရဂူကျောင်း၊ ရှိမ္မကားရွာ၊ ဝက်လက်မြို့နယ်။
(၅) ဘဒ္ဒန္တပညာနန္ဒာလင်္ကာရ
ကျမ်းအမည်- နိရုတ္တိသာရမဉ္ဇူသာဋီကာ ( နှာ-၇၂ဝ)
မဟာမင်းထင်ကျောင်းတိုက်၊ မင်းဝံတောင်ရိုး၊ စစ်ကိုင်းမြို့ တို့ဖြစ်သည်။
